مكتبة غنـــاوي العلم ,,,

بســـــم اللــه الـرحمــن الرحيـم
هــذي مجمــوعه غنـــاوي علم ليبيـــه وان شاء اللــه تعجبـــكم


لا جاه نوم لا عاد جوه ...... خذا الليل كله سوتها

يالعين وين انغدو ..... جا الليل او جابهم

مرهونين منامي زارو ...... طرت وطار النوم وطارو

اتريد من غلاك اتذوق ...... العين تكحيل من بعيد ما عاد سادها

ايجينا بلا تهواي ...... ايام قبل نومي ونومكم

كان بلا تهواي ايجينا ...... نوم هنيء واليوم اشهينا

ارضاها العين صعيب ...... ملطوطه غلا ما ينخلف

للدار انريد انطول ...... ونا كفيف والقايد اذهب


ما فاتهــــم فاتوه العقل فاتهـــم فوت قايلة

عزيز وين ما خذاه الدهر لقسام يا علم عـاودن

أعزاز وطنهم فاتوه سمعو نباك جو جاي يا علم

عطاشا وهن ع البير ويا عذاب راعيهن أشقى

نار يا عزيز غلاك أتبوق خاطري نين يرتبـــــــي

العقل يا بعاد الدار يمسي معاي ويبات عندكـم

زعزاعت اليأس تغير ع العين وين ما دارت نمـــا

شكاع بارقة ما بات غلاء جديد لا في خاطــري

طارح فراش اليأس العقل نام نومه ريحــــــــــه

طالق معانا نار جرح غلاك مازال يا عنـــــــــــي

اللي غلاه بالترويم أنساه يا دليلي وأتركــــــــه

ع القديم سفيت رديم ومع جديد نيراني و العة

دهوا ري بلاهم خير اللي لا غنوا لا ريحـــــــــوا

الشيب في وجوه الناس والكبر مو عيب ياعلم

الشيب في وجوه الناس والكبر مو عيب ياعلم

لولا فزاغ الصبر م اليأس رآك يا عين ضايعـــــــة

واجب عليه القدر العقل وين ما صوبه حتـــــــم

شاوي عليك الدمع ولا عزيز يا عين ناسيـــــــة

العين ماحجرها عيب على وصول لولاف دامعة

تعبي يا غلا لله*** لطوك في غناديقك علي

عزيز في خراب غلاه ** بروحه جرى موش لازمه

شبن عليه شابن فيه **مرجاهن انظاري في غني

بعد الياس صار نصيب ** والعقل يا غلا ذاق طعمتك

دواء اجروحتي في ايديه ** وانكان متت ملزوم بي غني

منيش و عليش وليش ** وابكاي عارفه حيل العرب

اوهام يا العين عزيز **خلاهن خلا فيهن ابكي

اعزاز قبل حوت الناس ** لطوهن قساميهم علي

نهوا العقل غلبوا فيه ** لازامه علي قول يا اقدم

كملت يا العين وراك ** تحسيف في المواهيم و ابكا

بعيد من حذا لوهام **جليت بك جلا خوف من العما

تعبي فيك راح بلاش ** متبوع يا غلا فيك شنشنه

مشكاي من صغا لوقات ** للعارف اللي قاس مضهن

باريافي مشيت وجيت **اعزاز ريتم دوبيني

عزيز قبل صار دناه ** واللي صاد لقسام صادهن

مالعصر نين بان شرار ** الفجر في المواهيم يلغثن

ا لقسم يا اسلام الله ** اشبوبه علينا ما نزل

لله كارهك يا نوم ** من خوفاً اتجيني تجيبهم

بلهون غير فيك انحمل** مردود حيل رايتك علي

الياس دالني ويقول ** للوقت ايد لله عيني

1.اعزاز مالكين العقل ينساهم منامه يجيبهم.

2.اتركهن تنال جميل مالك سبب في ذنبهن.

3. انصيمو ثلاث شهور لوكان يا غوالي تقسموا.

4. اجعن دعاي يامرهون تلقاه في ضراري كبيدتك.

5. اتركهن وتنال الصبر مالك سبب في دمعهن.

6. أنتي سبايبه ياعين غلا عزيز لولاك ما رسم.

7. العقل وين عابوا فيه احمل وقال يا العين ساهلة.

8.العقل ماعطوه حقوق اصحاب الغلا ضالمينه.

9. الـعـقل يابـعاد الـدار يـمـسي مـعاي ويـيات عـندكـم.

10.العقل في بلاد جهال إن دار الغلا ياذوه ياعلم.

11.العقل ما ينام الليل سطير جرح لولاف سمره

12. الدمع ما يجلي الياس أيزيدكن أرياف وتنعمن.

13.الدمع ما ايحيد غليل سماحة البكا فيه نوطرة.

14.العين قسمها في النوم دققة وفيها شاركوا.

15. العين قابلت ووزنت والعقل قال ما كيفك علم.

16.العين هي عـذاب العقل دلاته علي راي ذيبله.

17.الـعـين في العذاب تحمل ترجاهم رجا نين يـقسموا.

18.العين من غلا مرهون تذوح ما دباره لاقيه.

19.العين راضية ابمنـــام تنضر عزيز فيه اوتنعمى.

20.العين في ربيع غلاك تطلب الله ما يوم تفقدك.

21.العين حاسبت لو قات لقت زمانها مايل بكت.

22.النار في قرار العقل نزلت ياعلم دار راكحه.

23.النار قايله للعقل أن صار ياس لولا ف ناخـذك .

24.الناس يحسبوك ربيع وأنت عذاب يانار الغلا .

25.الصبر شين وزين كان عليه يا العين تقدري.

26.اللي بهم الصيف ربيع خشوا الجون ياعين باعدوا.

27.اللي صايرة بالعقل سراقة بها ما تدري.

28.ابكي عليه ليل نهار عزيز كان يا عين واجعك .

29.إينوس خاطري مهيوس من ياس ناس كانو له ونس.

30. اللي دلولك اسنين عليهم ابكي ياعين نين تنعمي .

31. بلا قشوشه للنار تشيط نوحلو في ردمها.

32. بعد رديم الياس شقيت نار لولاف لهلبت.

33.بنيت قصر في لامال اكبر الياس جاني وهدمه.

34. برادة الله ايطيح سعد الياس مو ديمة قوي.

35.بلاك ما نريد انعيشن نفداك بالروح ياعلم .

36.تبقي حايسه وتموح عزيز وين عيني تنظره.

37.تقاز الغلا محتار القي الياس على باب الرجا

38. تقديعك علي لوهام بلا نصيب ياعين تجهلي.

39.تنهاهن يديرن عزم يجيهن الليل ويذرفن.

40.تهايولها واسمرت العين وين ما لاج نومها.

41.ترجاك والرجاء في الله العين ياعلم ما ميسه.

42. تبقي حايسه وتموح عزيز وين عيني تنظره.

43.تشيط في خفا وتبان سبيل عادة النار ياعلم.

44.تاكل بلا دخان جواني دقيله نارهم.

45. ترجي العين تاسع ياس ترقيع في غلا بايد لها.

46.تذوح في عقاب الدار تلقي عزيز هيال بالها.

47. تصليب جابها ع الكبد خبير ياعلم نارا لغلا.

48.تقول شاطات اليوم غيات ياعلم باد جيلهن.

49.تلذيع القديم اقهرك ان درتي جديد يا عين شاوري.

50.ثلاث هن دوا المريض ان جن يموت وان غابن بري.

51.جبد سريب جابك فيه بكا العقل ما حوته سكت.

52.جضيض خاطري م ألنار بكي جميع مولاي ما خلق.

53.جابك لهن يا عين خبير المواهيم عوقك.

54.جروح يا عزيز غلاك م الغيبه برايا ع العدم.

55.حتى الصبح عندي ليل على عزيز عيني باكية .

56.حتي والمواوير يـاس غلا عزيزنا ما نتركه.

57.حرثن فيه نين جبرن شلال دمعتي يوم ياسهم .

58.حتي وانت فيك الياس خلق الله توقاتك فرج .

59.حطيت عالقديم رديم مع جديد يا نار اولعي .

60.حال غايتي في الصوب وان صار الخطا مانحضره.

61.خليت ياعزيز العقل جنازة بلاروح واقفة.

62.خلاني صفا ليام نشاكي اللي مانشغله.

63.خلاني غلا مرهون نشاكي الدانون ياعلم.

64.خلاني غلا مرهون نموج في هواء ماله سند.

65.خلاك حايرة في الراي غلا عزيز يا عين دوخك .

66.خطر ودار لك مشغال عزيز قبل يا عين ناسية.

67.خاطر عليك عزيز اليوم وامس يا عين باكيه.

68.خطاهم اللي داروه قبلوا جميل هانوا با علي.

69.خلفت ياعزيز معاي فواهق بنيران يطلقن.

70.خطاك ياعزيز معاي مشكاه عيب واسكوته مرض .

71.خطاي من خطاك معاي سبق خطاك كافيت بالخطا.

72.خطرها خطاك العيب اللي معاي جا ما لا سبب.

73.خذيته وصار أمعاك رفيق زين ماهو أمطالقك.

74.خطيوبك مكان الجرح حطوك يا ضميدة عالخطا .

75.خوفنا بعد توبات جرونا مراهين ما فضوا.

76.دموعي علي لولاف شلال كيف ماره فالجبل.

77.ديما قبال العين سوا بعاد والا يقربوا.

78.دموعي علي لولاف أسقطن في صفاء دارن حفر.

79.دموعك عليه كبار غلا عزيز يا عين ذيبلك.

80.دهواري بلاهم خير لاهم ولا عرب غيرهم.

81.ديما اقبال العين عزيز لا تواري لا قسم.

82.دموعك عليه حلال عزيز كيف ياعين والدك .

83.دموعك عليه كبار غلا عزيز ياعين ذيبلك .

84.دوا مات غلا مرهون م النوم وين نوعي تصيدني .

85.دموعي علي لولاف ستين ألف وادي جلبن .

86.دعاي ياعزيز عليك أدعا حاج مولاي قابله .

87.ذنوب يا عزيز عليك سمار وانت في نومك هـني.

88.راقد وجاك النوم كذاب مو غلا نا جارحك.

89.رجيت والرجا ما جاب ننساهم الله غلب علي.

90.رماهن صفا ليام علي عويل مو قيسا لهن.

91.رجيتك وطال رجاك وانسيتك وما نيتي نسا.

92.رزاك عرف ما فيك صبا العقل ورماك طوطشه.

93.روامي أرمام العقل خطر عزيز حوما جابهن.

94.زعمه يا عزيز تسال والا سحبك ديوان غيرنا.

95. زعمه كيف صارا لموح مدعي غلاي مازال جابده.

96.زرعت زرع جاب أثمار جنوه ناس ما نالوا شقا.

97.زعزاعة الياس تغير ع العين وين ما دارت نما.

98.زعمه ما يريدا لعقل يزها بيك ولا يوم ياعلم.

99.زعمه كيف صارا لموح مدعي غلاي ما زال جابده.

100.زلازل وفيض ونار غياتك براكين خلفن.

101.سقوه من نقيع الصبر ينسا عزيز مابا خاطري.

102.سياتك صقيع جمود حطيتهن علي نارك طفت.

103.سمرن نين ماح النجم حتمن ياس غاليهن غفن.

104.ستين الف جوز طبيب الجرح جار عانوه كادهن.

105.سفا رديم ع النيران العـقـل وين مافيهن وحل.

106.سحبه صوب مرهونين العقل ما عليه والي نشد.

107.سريب صوب جا للعقـل نساه يا علم طاري الهل

108.شلال من شراب عزيز دموعي علي ياس العلم.

109.شدي عزايمك ياعين يفـني العمر يابال الغلا.

110.شكاع بارقه ما بات غلا جديد لا في خاطري.

111.شكواك له امغير معار للي عليه ماجار فاهقك.

112.شكواك وانت داك كبير للي سليم بورة حا سرة.

113.شراب في المفاصل ذاب غلاك داه ما لا دواء.

114. شقانا وراهم ضاع سعد الغير جا فيهم قوي.

115.شرهان خاطري بغلاك يطولك ولا راضي ع البكاء.

116.صبا العقل يوزن فيك لقيك ردع لوطان كلهن.

117.صبار والكواين فيه شديد شديد عزم ثاريت خاطري.

118.صبرن يا عزيز سنين اللي قبل يوم يكيدهن.

119.صبا لي وزير الياس نساني غلا مو برادتي.

120.صنم شكيت له م الياس جبر بخاطري وقال يقسموا.

121.صعوده تهابي فيه غلا عزيز يا عين كايدك.

122.ضليتي ضلال كبير وراء عزيز يا عين الحياء.

123.ضليله وراء مرهون العين م ا لبكاء نين أنعمت.

124.ضليله وراء مرهون العين م البكا نين انعمت.

125.ضليله رايها مازال العين بالمراهين شاقيه.

126.ضليله وطت في حوض تطول في عزيز وتلتغب.

127.طباعة غلا مرهون تناوض علي رأس حولها.

128.طروا عزيز ع الغفلات سهيت نين ما فيدي وقع.

129.طارح فراش الياس العقل نام نومه ريحه.

130.طالب الله فزاع بيني وبينك ما ايصير وداع ليوم الآخرة.

131. طبيب لطبيب ايقول ايموت بينا راك تلمسه.

132. طبيب ياعزيز غلاك صفق ايديه مولاقي عزاء.

133. ظليمه عليه الصبر جرحه جديد مازال خاطري.

134.علي اثر جيرته مرهون تما بغيبته ما ينطري.

135.عليه أبشري ياعين عزيز كان مرهون وفضي.

136.عليها شرار النار غيات المراهين يعلم.

137.عليهم لها مدات عزاز قابلوا عيني بكت.

138.علي غلاك نين تموت العين ياعلم بات رايها.

139.علي جار طالق نار غلاك وين ماجا لخاطري .

140.عليك بالعلم ياعين اللي عجاج ميراده طرب.

141.عليك خاطري مجروح وياعزيز ناويش درتلك.

142.عيب ياعزيز النقص وهن معاك دجاية غلا.

143.عزيز وقت نوم الناس سريبه يجي دون خاطري

144.عزيز وين ما نطروه يسيلن رقيقات الغرض.

145.عزيز هو سبب لنظار عماهن وما بايقودهن .

146.غفت العين جاب العقل سريب ياعلم طار نومها.

147.غلاي وين دار اثمار مشاله الياس وقطعه.

148. غنايا ونا معتاز العقل قال مالي ومالهم.

149. غني في غني مشتاق زعمه كيف لا ماهم يجي.

150.غربه وجا يـلين عليك زعمه ويش قانوك لهم.

151. غرض العين في مرهون سفاه الا لكن مضت.

152.غلاك عضم كسره قند دقداق ما جبيره تلايمه.

153. غالي علي لنظار حتي وانت مرهون ياعلم.

154.فدا عزيز مو ميجود كبير جا علينا فاهقه.

155.في علو ملزومات حدرن وين نباهن علم.

156.في زمان قل القدر لقي العقل لتراك خير له.

157.فراق ا لعزيز صعـيب تخريج روح يانا موعره.

158.فطنوا باقلال الدين علي مساربه تادروا حرس.

159.فراق العزيز صعيب والصبر في فراقا كادني.

160.قايله مع عقال العين حالفه ما تخونهم.

161.قديم جرحهم لولاف حقا وهم غنا ياما بري.

162.قفزات خاطري م النوم اسبابه الغنايا وجرحهم.

163.قليلة نجا ياعين من يوما وطيـتي نارهم.

164.قسمت ليلها ليلين العين في مراجيي غاليا.

165.كاس ياسهم في اليد يذوق فيه ويقول يقسمو.

166. كلت زنايقه تقديع العقل ياعلم نار الغلا.

167.كبرت نار شاطت نار ولعت نار في نار قابلت.

168.كبرن نار مرهونين كميتها علي جوفي رقت.

169.كثرن كواينك يا وقت وغاب عزمنا بيش نتقوا.

170.كانت العين مزار يجوها مجاذيب يوقعوا.

171.كبيره عليه العقل تجفاه دار ويعاود لها.

172.كنيب تشغلي مولاك علي عزيز يا عين أغردي.

173.كذاب يا منام الليل تجيب في ناس طال ياسهم.

174.كنيبه مغير ايام سعد الياس مو ديما قوي.

175.كذاب من تشيط معاه ويقول نا نواري نارهم

176.كميته علي جار غلا عزيز نشكي بالمن.

177.لو كان بعذابك حاس عزيز ما جفا يا خاطري.

178. لو كان ما خلق مولاي مغير أنت وأنا والغلا.

179. لو كان الوطا تنشال نشيلو عزيز ومقعده.

180.لو كان يقسم المرهون نرجوه ما علينا في البطا.

181. لو كان يا منام الليل تبقي رسيل بيني وبينهم.

182. ليش يا عزيز ادير الصوب وأنت عابي ع الخطا.

183. ليالي مضن وايام طلبنا الله لا أتعاودهن .

184.مغير مذهب الرايات الا العقل رأيه مودعي.

185. مبدوعه نديروا صوب تصير في عقابه مخادعه.

186. مرهون تحت ناس عزاز رزاني وناره مقايله.

187.مرهون يالعين أنسيه ديري عزاوين واصبري.

188.مرهون جاصداف العقل عليه تبت توباتي نقض.

189. مرهون ماعليه رباط يخون ويما قابل نظر.

190.مرهون عند شين اللون غلا عزيز ياناري اقبي.

191.مرهون عند شين اللون احجر نباه ماعاد ينطري.

192.مرهون دارلك ياعين سراقة غلا نين ذيبلك.

193.مرزي العقل كا مي داه من خوفا يشاكيك تنكره.

194.ما طبيب داوا داي تعال يا سبب داي شوفني.

195.ما تقول فيهن زول بعد عزيز لوطان سوتهن.

196.مالك في الغريب نصيب علي هلك ياعين عاودي.

197.نستاهل انكان الحمت نار طافية نابشتها .

198.هني كان هم لولاف بعد رجاي يا عين طلتهم .

199.وحلت فى ضلال العين كبرت نار ع النار لوله.

200.يزازن بنار غلاك الانظار ياعلم واكلتها

العمر كان فيه طعمة، تكون هي مغالاتي لكم.

قديم ما علينا فيه، ارفع يديك يا ياس ع الجدد.

في الكبد نازلين بثقل، عْزاز نين في دمي جرو.

ان ضاع في رجاك العمر، حلال يا عزيز مصدقه.

عليك يا عزيز إن غبت، اعرف معاك نيتي حاضرة.

كمين نار ضاق العقل، حمّال غير في التالي شكا.

تعال يا بعيد الدار، كلت كبودنا طولة الرجا.

مغير لذعوك بنار، تكواي مو على قيس الوجع.

يأيسيلن وهو موجود على عزيز يابال رايفـــــــن

كساها ضباب أتحوس العين وين لوهامك اتجي

إن هانت على أيهون عزيز كيف عينى ليمنــــه

حتى الليل عندى صبح مع عزيزعينى ساهـرة

اللي أيقول لك يا عين أنسي عزيز مو صاحب عدو

تصليب جابها ع الكبد خبير يا علم نار الغلا

عزيز بندرو له ناس غروبه مشا في طوعهم

ننسوا فيه يوم ابيوم عزيز نين ياساته مضن

خطاهم اللي داروه، قبلوا جميل هانوا به علي

لهن زمان في التقهير، م الياس غير لنظار يحملن.

لا يهون من عليك يغيب، ولا دمع جياباً لهم.

العين في عقاب العمر، دكنوني علي نار كمضت

معاه لا نقص لا زاد، خطا عزيز جا دوب خاطري.

متواجلات شور ضياع، يزّابَن غلانا وعمرنا.

برموشها تحايي فيه، الجرح جا في العين بيدها.

العين شور دار عزيز، وديتها وما وديتها.

بلا امّاطلة يا قسم، مليت م الرجا قول قولتك.

نحسابها أيام تزول، حسيسة أمراض اطّاولت

خْناقي العين مْسكت، تقول نا اللي باعدتهم

نار يا عزيز غلاك أتبوق خاطري نين يرتبـــــــي

زعزاعت اليأس تغير ع العين وين ما دارت نمـــا

شكاع بارقة ما بات غلاء جديد لا في خاطــري

طارح فراش اليأس العقل نام نومه ريحــــــــــه

طالق معانا نار جرح غلاك مازال يا غنـــــــــــي

اللي غلاه بالترويم أنساه يا دليلي وأتركــــــــه

شاوي عليك الدمع ولا عزيز يا عين ناسيـــــــة

كمل مساقطة في الكتر، الهدب وين ما باد م البكا

اخطيت جلوتك يا نوم لو كان خاطره فيك يخطروا

عزيزقلتله واندمت انساني انسيني وما انتسي

من غيرك علي ايروف وتريد ياعزيز اتهونّيّ

مني عزيز ويش ايريد وهو غلا من روحي علي

لو كان الغنا راس مال على عزيز راك امخوجة

والله ما نهيت العين لو كان من بكا جاب غايبة

عزيز والعياط وراه شقواي بيه م الساعة غلط

الراقد ابناي يعبه شاكع ازويتين خاطري

الله ينور ياكبير



هذه الشتاوي للشتاي المبدع عوض حامد

1- غفيت ونا ناسي ما صار = أوعيت علي تلذيع النار
2- غفيت ونا ناسي القدم = أوعيت نهاتي غير بهم
3- غفيت بعد فض النقناق = أوعيت علي عيطة الفراق
4- غفيت و ما في عقلي شي = أوعيت علي نقناق غني
5- غفيت ونا مافي أنياط = أوعيت علي حس العياط
6- غفيت ونا ناسي البعيد = أوعيت علي نقناق جديد
7- غفيت وفي عقلي وسواس = أوعيت علي عياط الياس
8- غفيت أموسوس من يالاه = أوعيت علي عياط خطاه
9- غفيت ونا ما في دموع = أوعيت ألا ناوي ع النوع
10-غفيت ونا صوبه ناسيه = أوعيت قديم علي طاريه
11-غفيت ونا ناوي الفراق = أوعيت علي قولة مشتاق
12-غفيت دقايق ف أخر ليل = أوعيت علي جرنان طويل
13-غفيت ونا تارك مدعاه = أوعيت علي لوعات غلاه
14-غفيت ونا هاين مرهون = أوعيت أتقول علي كانون
15-غفيت ونا مافي جروح = أوعيت ألا شافق ع الروح
16-غفيت منام شغلني ريت = أوعيت عقاب الليل بكيت
17-غفيت علي دين الهواي = أوعيت وهو يبكي يالاي
18-غفيت بعد نوعين سماح = أوعيت ونابيدي مرتاح
19-غفيت بعد ليلين اسمور = أوعيت ع البكية مجبور
20-غفيت ونا في دوج الناس = أوعيت علي قولة لاباس
21-غفيت ونا جرحي بريان = أوعيت ألا نثغى أثغيان
22-غفيت بعد فضيت عزاه = أوعيت علي قولة نرجاه
23-غفيت بعد تطفاي النار = أوعيت علي حس الكبار
24-غفيت ونا ع الصوب بعيد = أوعيت نجردله تجريد
25-غفيت بعد نوعين أطوال = أوعيت علي قولة مازال

خطا عزيز جاب ثلاث **** قوى النار واليأس والجضر
جضر ويأس واخرى نار *** والموح هو اللى رابع الهن
مشكى الاربعه اللى هلبن *** والخامس خلاى ليد هدنى

عجاج وظلام ودمع ... اخلطن ما فرزت اوهامهم
بياع الكواين تاب ...............بعد غلاى ماباع كاينة
انموت ماتغيب عليه ... الله الله قبري يا غنى
فواهق الغني فالعقـــل ...مقــرن اخلالــهن بــاد ونهلــــع

بعيالة اونا معتاز .... حسوفة املاقة الغني

الكااااااااينه غني بضناه .. لو كان غير مرهون يرتجى
ننساك يا غني ما اقدرت .... وانجيك عيب واريافي اكثر

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



ربيع دار فيه العقل يحسا به زها عا ود بكاء

كنيب النصيب يجيب عزيز فيك يا دار نقعدوا

مازال ياالعين ايجول العقل في جلاوي اديراهم

حاست خذيتها للدار عميتها وما نريدها لها

لو كان كــل شيء يا عين يلقى إلا موح دارهم

إن نامت العين تجيـب سريب نـاس موح دارهــم

يطافــــر نهـدى فيه العقل واجعة موح دارهـــم

خلا قديم لنا دار واللي موش مليوع مايجي

انحودد ايامي فيك عطيت عهد يادار لجلهم

مليت من البكا فى الدار وطاول تصويتها على

كبيه يا العين الدمع على عزيز داره مقابله

بكيت فيك نين ابطلت ان جاء عزيز يادار اشهدى

لو كان مابكيت أمرضت للدار جيت وإعزاز خايلو

حتى وهى خلا تنزار مازالت عزيزة دارهم

بقيتي خلا واوهام رحل عزيز يا دار وسيبك


شتاوي

ماعندى للعين ادباره عزمى رق اوجت لدياره

ان كان بكيت ما فيها شئ ان جت لديار عزاز علي

انظاري مازالن هن هن يحوسن كي لدار يجن

بكا عيني في وسط الدار خلوج وسمعت صوت حوار

تباكن كيف تجن للدار عزام العزاية يا لنظار

دار عزيز علي خلوتها مانرتاح الاجلوتها

اتقول ولي صالح يادار عليك نبرم ليل نهار

الله الله يا دار عزيز البوم على الساس مراكيز

دار عزيز خرابه تمت كل البوم الجالي لمت

الله غالب يا دار انجيك امرايف على اللى كانو فيك

دمعى وسط الدار تمصا كيف ماصات اخر طاسه

لدار بقت كي ملك الجد انغايب مده ونعاود

حتى كان عزيز تواره مقطوعه سره في داره

نمشى واعى او مانى واعى شور الدار خفيف كراعى

ان ردينا منك يا دار نا والعين طوال عمار