مسجات شعرية قوية

بالله يادكتوره ...
قوّي الإبره سواء انموت بين ايديك ولا نبرا دقي علي كيفك ...
دقي بقوه لين اتوارى في وريدي جوه
مايشغلك يم الغثيث املوى انبات في هنا ولا انبات فقبره ...
دقّي دقّي ومش مشكله لو فالعظام اتطقّي
وراس بوك ماعزمك عليّا اترقي حطي سنين اقرايتك والخبره ...
ولاتاخذك شفقه ولا تتقيّ بعيون سود وهذب داكن حبره ...
على قوّتك زيدي وراك اتبقّي مالغيض حاجة بيش ناخذ عبره ...
وننسى غرام اللي العين امشقّي واتروق كبد صيفها جميل النبره .

---------------------------------------------------

ياتكونى ليا ياتكون حرب وثالثه دوليه
نعلنها عليك اليوم...
ياتكون نصيبى وقدام العرب تعلن اليوم حبيبى
وان كنت ناوى فى الغلا تعذيبى نقطع عروق الحب والحنيه
وماينفعك تخويف لاترهيبى واخد قرار الموت نا بيديا...

---------------------------------------------------

لو كان نشكي للجبل من غاده يدوب الجبل بحصوته ورشاده ...

لو الجبل نشكيلــــــــــــــــــــــه من زول غادة القاسيه الجميله
يدوب الجبل بصخرته في ليله يصيرله تصدع ومايفيد اسناده
يلي مايهزه برق جارف سيله ولاتقدر عواصف اديرله اباده
وماتزعزعه قوة رياح ثقيله ولاتضره شمس نارها صهاده
ان كان جيته وقصتي نحكيله عن زول ماشفتش معاه سعاده
انا عارفه ينــــــهد فيسع حيله ويبدا سماح تقول كان حماده .

---------------------------------------------------

مازلت نا هونا لادرت حوش ولا لقيت مراء انموت خيرلى
مازال نا العزابى ومازال نرجا فى القروض وعابى
ومازال تحت الحيط نا وصحابى لابيع بعنا ولاهناك شراء
وياصاحبى بالحال مانك غابى تمت علينا جايزه الزكاه

---------------------------------------------------

منامي جاب نظيف الخد ونا راقد تهيالي نحسابه بجد

---------------------------------------------------

هذا جيل الجو الفــايح قليل ربايح ديمة نص الليل ذوايح
جيل الباهى جيل اللى في الكيكة لاهى
نسيوه بريريد الشاهى و ع المكياطة تما طايح
جيل الراب لا يقرأ و لا يحل كتاب
ديما شاطح دون اسباب و من الدخان خياله سايح
جيل الموضات جيل آخر واحدث طرحات
يتبع في الفيديو كليبات و ماشي في التيار و رايح
جيل فضيحة جيل نوادر آخر صيحة
في الجو مزنح تـزنيحة مع هيفا و روبي سايح
جيل ال ok جيل اللى يحكى بيديه
تتعب و انت تعدل فيه و لا ما تثمر فيه نصايح
جيل التوخيرة جيل يقلد في شاكيرا
و مسكر راسه تسكيرة مقفول و مفتاحه رايح

---------------------------------------------------

خيرك ياعين تغششتي .. شن فتشتي .. لين جروح الخاطر نشتي

---------------------------------------------------

عالكرت نملا كرت
من سحر صوتك في الغرام اسكرت
أنا مدمنك
ندير نغمتك نبظة القلب الحاني
وبالدم نرسلك مرايف راني
ولك نشحن النقال من شرياني
وعالصامت اندير الشوق كان نكرت

---------------------------------------------------

كل يوم تام رصيدى.... وانتى ترنى طالبه مواعيدى
نسلف وناخد دين ماهو بيدى....الله يلعن النقال فيه حصلت

---------------------------------------------------

ياريت ماهو ماكن .. وياريت حبك فيا ماهو ساكن
لا حن قلب ولا عيون تباكن .. ولا العقل منك شال جاي وغادي
يا ريتني متهني .. لا بجرح نشكي لا غلاك سكني
ولا بقيتي جزء فيا ومنّي .. ولا تخطري وقت انجي لوسادي

---------------------------------------------------

خائف يصير معاى كصدام.....وياخد غلاى معاك حكم اعدام.
خائف تصير الخونه... وتنسى غرامى ياعزيز اتخونه...
نهار عيد تذبحنى بكل رعونه....يشمتوا فيا عقاب اقزام

---------------------------------------------------

المكياج يا البنات موش حضاره
المكياج جاكم من بلاد نصاره

***
كل يوم فى المزين
فى لبسها تلبس رقيق يبين
لا تستحى من الله لا تدّين
غشيمه ما تعرف الادب و اقداره
وتقول يا وليدى الباسي قنين
موديل راقى عاليات اسعاره

***
البنت فى طلعتها
ع الناس تلقا عارضه زينتها
وتلقا الصنة مفيحه ريحتها
والجسم يتمايل يمين يساره
وتلقاها بطية دوم فى مشيتها
تخلى عقول العاشقين حياره

***
طالعة تسّلى
وفى الفم دارت مستكة تتحلى
والشعر طايح طالقاته كله
والوجه يتلاصف اتقول شرارة ...

---------------------------------------------------

غير اعترف و مسامحك... ما انريد منك شى
غير اعترف من صالحك... بالك الحق على
لك عام مانك صافى... وين ما اتغيب اتطول
حتى فى كلامك جافى... مانك حبيبى لول
يانا مش فاهمك... وانتا اتساير فيا
يافى غيرى شاغلك... و خايف اتقوله ليا

---------------------------------------------------

مصيونه في الخاطر كنتي ... لكن خنتي...وفيت بعهدي ماصنتي
كنتي في الخاطر مصيونه ... بين عيونه ... لكن كافيتي بالخونه
خليتي كبدي مسحونه...امنين طعنتي ... سيفك في ظهري مكنتي
طلعتي ليغيري بليونه... فيسع لنتي...في لحظة ليه استسلمتي
وليتي عبده في كونه ... بيه حلمتي ... قصة حب معاه ضمنتي


مصيونه كنتي يا لللا... لكن والله ... قدرك طاح تحطم كله
كنتي ورد نسيم وفله... لكن هنتي... مكروهه في عيني شنتي
قلبك جاه ابليس وضله...ماقاومتي...صرحتي بعيبك بينتي

---------------------------------------------------

زيد يا زمان اقهرنى وسع اجروحى زين ما تعبرنى
خود غايتك ...
زيد اوجاعى قول يا زها عدى اومالك داعى
اضغط على قلبى الى ملتاعى على حب راح وفى الكنين سعرنى
زيد اهمومى سيل ادموعى نين يجفل نومى
املا حياتى نو زيد اغيومى وفجر انهار الحزن من ينبوعى

---------------------------------------------------

مانك الا غلطانه...حسك رقيق وشفرتك لبيانا ترنى عقاب الليل

يامريوحه ...ويا قاعده فى الحوش كيف اللوحه...انا عارفه النقال كيف اطروحه
ياكبر خوفى تطلعى شوشانا.

..............................................................
يا ما بكيت عليها... وهي زاد تبكي ونا انودع فيها ... يوم السفر

مـاني نـاكــر... بكايا عليها في الصباح الباكر
وهي زاد تبكي ماسكه التذاكر... امنين ما ايديا لامسن ايديها
صار الوداع مغير ماني فاكر... مغمي علينا كل حد في جيهه

يـكـيـت بـحـرقـه ... ونا ف الصعود وفي السلالم نرقى
سيل م الدموع النازفه بالدرقه ... بيدي انكفف غير واحل فيها
الله لاتعودك يا أيام الفرقه ... امجرّب وغيري ما انودّه بيها

--------------------------------------------------------------

خـلــك مـعــاي حــنــون تكسـب غـلاي وتربـح المليـون
من غير اسئله

تــكــســب حـــبــــي ... وللي تطلبه يبقـي احـداك ملبـي
وانجيـك بالتاكيـد كـي ماتـبـي ... من غيـر قسـوه ياعزيـز اتمـون
انت علتـي وانـت شفـاي وطبـي ... واحلي زهـره مفتحـه فـي الكـون

-------------------------------------------------------------------

ياعمر ضاع بلاش ... ويانهر موتنا حداه عطاش
ياعمر ضاع حسايف ... وياحلم عايش به لقيته زايف
وياقلب كملهن أيامه خايف ... وياجرح وسط الكبد مايبراش

-----------------------------------------------------------

نرجو فيك ياغايب اتجينا ...
بعدك طال طولت الغياب ...
انكان نسيت احنا مانسينا ...
دز العذر كان عندك اسباب ...
انكان اتقول في حقك اخطينا ...
هات الدليل واحكم بالصواب ...
نرجو فيك يا غايب اترد ...
عز العمر عدا في رجاك ...

-------------------------------

ياقلب عندي احباب ماتنساهم تصون ودهم وتحفظ عزيز غلاهم

---------------------------------------------------------------


انتم زها للعين وين تراكم ...
وانتم شعور الحال يا محلاكم ...
وانتم ونس الايام في ملقاكم ...
لاتغيبوا يلي جميل اسماكم ...

--------------------------------


روفي عليا ياامنـاي وحنـي ... صبري كمل مرسولكم مستنـي
. . . . . . . . . . . . . . . . . . . . . . . . . . . . . . . . . . . . . . .

روفـــــي بــيا... لي وقت شاقي بغيتك ياابنيـه

امراجي ثلاث اشهور بالعديـه... مرسول منكـم مالفـا طمنـي
::::::::::::::::::::::::::::::::::: :::::::::::::::

روفــــــي قـــولــــي ... كلمه اتخفـف حيرتـي واحمولـي

سواء كانها بالرفـض ولا اقبولـي ... خيـر مـن اقعادي هكذا مستـنـي
::::::::::::::::::::::::::::::::::: ::::::::::::::::::::::

امجور غلاكـم ليـن هـد حيولـي ... ماالقيت من عـاون وحاشـا عنـي

معاكم بقي بالحيـل كابـر هولـي ... بعد فيك ريت عيـون سـم سقنـي

انحس وين ماتبقى احداي اتجولـي ... اتقول روح من جسمي انتزعت مني
......................................................................................

لا مكسما لا كيه ... انسي غلاي واتركي يابنيه ... الله والنبي
لامكسما لافلوس ... لامال عندي لا سحر لافانوس
ولا كنز من جدي ظهر مدسوس ... راتب ضمان وما وصل للميه
وانتي الحاله زايطه بفلوس ... تجيبي شقف اسماح للكلية
ونقال فيدك ملك ليك اخصوص ... تكلمي البابا هيا روح بيا
قولي لباتك فاتحيه اخصوص ... يشبحلي ترى تعيين في الشعبيه
وتبقي معايا يامناي عروس ... الفلوس منك والحنان عليا
لامكسما لا كيه ... انسي غلاي واتركي يابنية ... الله والنبي

----------------------------------------------------------------

ايش جابرك ياقلب رد عليا ... ايش جابرك عالموجعه والسيه
ياقلب بلاش محنا بعد ما ينكرك مازال تبي منا
وين ينشدوك تقول كنت نحبه هو باعني والعيب ما هو فيا
ياقلب انسى غرامه وانسى صوته ومشيته وكلامه وخلي حياتك ماشيه عاديه.

--------------------------------------------------------------------------------

وين ما نقول تهوني... تجي صورتك هذيك بين عيوني... تزيدي غلا

وين مـــا نقـول نهونك ... يلي مذيبلني سواد عيونك
لا حذاك في الدنيا علم لا دونك ...ولكن خسارة فيك عاكس عوني

---------------------------------------------------------------------

مسجات عزايز فى يوم الحنه
-----------------------------


قالت ام العريس ..
يا أم اشروط اتقول شكاوى ... ياريت ولدنا ماهو غاوى
................
ام العروس ..
ولدكم ما درنالا شى ... جانا يجري كا الجدي
................
ام العريس ..
عروسك يا خايل الاباس ... جراده تشعبط ع الساس
.................
ام العروس ..
ها البشوبو الى جبتنا ... كان اتريدنا خودنا
.................
ام العريس ..
لانك عين ولانك جمه ... ولانك من عيله تسما
ياسلم جياب الدبله ...فرح ها العيله المنهبلا
سيقانك سيقان دجاجه... ما جيناك الا من العازه
.................
ام العروس ..
ولدكم بو كرعين اكبار ... جانا يجرى كا الحمار
.................
ام العريس ..
بو عين كبيره فلا ته ... لو ماجاها راهى جاته



.خليك بعيد مادام قربك فى الجروح
يزيد الله يربحك ...
ليش تخايل وانا من غرامك شى مانى طايل لا بيك يسقم
البخت المايل ولا بسمتى تقدر اليوم اتعيد ...
--------------------------------------------------------

امته اشواقك تستحى من البعد وترايف على وامته ولمته
بالجفا والموجعه تجرح فى كم وعد منك عدى وواجد عليه
بكيت ماهناك عزم انشده تصدق انى مليت ...
----------------------------------------------------------
يايومي . يا أمسي


يانوري . ياشمسي


ياصوتي . ياهمسي


لما أشوفك أتذكر عبسي
------------------------
ابعثـلـي حـتــى مـرســـــال ... فـي وطـن الشـوق ايصبرنـي
مــادام اغـيـابـك مـــــــزال ... طـمـن قلـبـي ياهـاجـرنـــــــي
يكفيـنـي حارمـنـي شـوفـك ... ماتبـخـل حـتـى بـحـروفـــــــك
ديـمـا تـسـبـل بـظــروفــــك ... نــاوي عالفـرقـه تجبـرنـــــي
----------------------------------------------------------
طـولـت فالجـيـه اشتقنـالـك ... زعم نخطروا ديمـا علـي بالـك
وانــت بـعـيـد افـكـارنـــــــا ... كـــل يـــوم تـرحـلـلـــــــــــــــك
وانــت بـعـيـد ازهـارنــــــــا ... تـنـشـد عـلــي ظــلــــــــــــــــك
مالـبـعـد مـــا مـلـيـــــــــــت ... ولـلّــه عـلـيـه خـذيـــــــــــــــت
صــابـــر هـنـيــالـــــــــــــك ... اشــتــقـــنــــــــــالـــــــــــ ـــــــك
------------------------------------------------------------



.

ان كان نشغلك دز السلام العاجل ...
مع الريح ولا مع الحمام الزاجل ...
سلامك دزه ... ان كان بينا باقي عروق معزه ...
راهوا في غيابك خاطري استفزه ...
الحاسد اللي من العيب ماهو خاجل ...
والشوق ياوليفي غصن عزمي هده ...
يخطرلك الشوق يهد عزم الراجل .
--------------------------------------------
غايب عن عيني من مده عزيز انوده لين الخاطر واصل حده .
------------------------------------------------------
كثر الملام غير جر عيوب ...
يقلب مواجع مالهنش لزوم...
كيف من يرقع في قديم الثوب ...
يوفي كتوفه يقصرن الاكمام .
-----------------------------
دز رساله
ونا نجاوبك عل العقل كيف جراله ...
بقي من غلاك مريض هذا حاله ...
اسهى لين نيران الغرام كلنه .
---------------------------------
مسلسل ما ينتهى ...
غلاك يا عزيز غير تابعه .
-----------------------
مرايف جيت جايبنى حنين و نار الشوق فى قلبى صهيده ...
لك مشتاق نبدالك منين يا عنوان فى صفحه جديده ...
بسمة فرح فى عالم حزين فيه الود و البسمه وديده .
----------------------------------------------------
الناس دايره الاصحاب يوم الطربه ...
وانا صاحبي نبيه يوم الكربه ...
يوم الضيقه يوم حوست الخاطر وجفت ريقه ...
يوم صورة الاحباب تبان حقيقه ...
سوا صافيه ولا اتجي منحرقه .
----------------------------------------
لوكنت نعلم قبل قلبك قاسي ... لاشقيت بيك ولا وجعني راسي .
--------------------------------------------------------------
ميت موت عليك مرايف نبي انجيك ولكن خايف .
-------------------------------------------------
كثر خيره لقيت حنون وخير لي من غيره ...أصاحبت نا والليل .
--------------------------------------------------------------
اليوم شاكيه ياعين قولي كنك ...انتي مرايفه ولا اوهامك جنك .
---------------------------------------------------------------
مرايفين ياغالي عليك انمسوا ... بريافنا ياريت يوم اتحسوا .
------------------------------------------------------------
حاولت ننسى ما القيـت عزايـم مصعب النسيان عللي هايـم .

حـاولـت ننـسـى غــرورك ونبعد عليـك ونتركـك لشعـورك ...
لكـن حنينـي شالنـي لبحـورك ولقيت نفسي فـي غريقـك عايـم .
-------------------------------------------------------------
مانك عليا غالى ننسى غـــــــلاك ونعلن استقلالــــــى
من يوم معاى اخطيت ...
جـديد انديره ننســى لول ونشقى بغيره
ونلقى الخبر منقول فالجزيره ... ودعايه كبيره من مذيع ايطالى .
----------------------------------------------------------------
لاجيتي ولا وصلني نهار سلامك ... طبعك تغير ما عرفت اسبابك .
-----------------------------------------------------------------




.زولها مستوفي ... ولها عيون شقتني مع شرشوفي ...
اعطاب خزرها سالب ستاير جوفي ... واخذ جميع الكبد والدواره .
-------------------------------------------------------------------
رفيقي مصوقر ماهناك مثيله يصون الرفق من قبل ما نشكيله ...
رفيقي ذراعي وين الفزع حاضر ايجي مداعي ...
نرقد ويبقى في سريره واعي ...
يحسب حساب الدهرفي تبديله .
-------------------------------
من قالك عمري بلاك يروق ...
ومن قالك يهدا بلاك الخاطر ...
ومن قالك شوقي لغيرك شوق ...
ومن قالك مانك عليا خاطر .
-------------------------------
ياقبر بين اقبوره ... بترابك تغطا فيك سمح الصوره ... احسن اضيافته .
------------------------------------------------------------------------
ياريت خاطري بات مردوم ... في قبر وتراب هايل ...
ولا في الغلا بات مهزوم ... ولا حاس بين العدايل

مرات نحمل في احموله الزايله ...
ومرات حتي الجرد نوحل فيه ...
ومرات نذهب في الضحا والقايله ...
ومرات حتي الليل نخبر فيه ...
ومرات نفرح والمدامع سايله ...
ومرات حتي العيد نبكي فيه ...
ومرات اثقل ثقل نقعد شايله ...
ومرات حتي حمل الريش نعجز فيه ...
ومرات ننسي اجروحي الغايره ...
و نشقي بجرح الرفيق ونداويه .
-------------------------------------
ابكاي ياعزيز عليك ... انكان دين ويش ايخلصه .
--------------------------------------------------
اتريد من النهار نصيب ... ابكا اليل ما عاد سادها .
---------------------------------------------------
العين من غلا مرهون اتذوح ما دباره لاقيه .

.........................

فـي شـارع الـمـدار زاد قهـرنـي ...
وين ما خطم احداي مـا عبرنـي .

زاد جـنونــي ...
ونزلـن بـلا رادات دمـع عيـونـي
وهـو بالمواجـع كاويـه مكنـونـي
نصـبـر علـيـه والله بيصـبـرنـي
وشيـط النـار اليـوم فـي كانونـي
علـى جمـر هافـي يريدهـا تاكلنـي
اللي قبل كنت انقـول ضـي عيونـي
علـى مـر كاسـه هواللـي جابرنـي .
-----------------------------------



يــابــعــيــد الــجـــوبـــه ...
معاي نار تكبر دايره لهلوبه ... وصلني جوابك .

قــريـت كـلامـه ...
مالسـطـر لــول لاعـقـاب سـلامـه
كـلام بعـدهـا ناعـشـت فــي دوامــه
وايـام ماضيـه مالعمـر مـي محسـوبـه



يــابـــعـــيـــدالـــديـــره
عايـش علـي ذكـراك سمـح السـيـره
والعقـل مـن فـرقـاك حـايـر حـيـره
نــاوي يـتـوب ومـاقـدر عالتـوبـه



يــابــعــيــد الــســـاكـــن ...
عالبـعـد والهـجـران حـبـك مـاكـن
ويـن مانويـت انديـر عــزم بـلاكـم
جميـع المنـاضـر شفتـهـن مقلـوبـه .
------------------------------------



كنك اتريد العين عينك منهـا ...
واعرف غرضها لاطول عنها .

اشــقـــى بـيــهــا ...
وحاول دقائق ما تعيب عليها
شوفتك تشيل الهم وتنسيهـا
في شوق طايل بالوجع ساكنه .
------------------------------


ياما عليك بكيت ...
نكذب ان قتلك راني غلاك انسيت
ياطول عـــازتي .
---------------------------------


جاب اولافي ...اللي خاطري خلوه ضيه طافي
البارح منام الليل .
---------------------------------------------



يا ظالمه هـذا عليـش اقدرتـي ...
اليوم ناسيه وباب الغلاء سكرتي .
---------------------------------


سبحان كيف رقدنا ...
وجانا النوم وماتقول فقدنا ...اعزاز فارقوا .
--------------------------------------------


صدفه انـدور فـي وراق قديمـه ...
لقيت صورته خزرة عيون الريمه .
------------------------------------


خلك قريب احدانا ... لاتنفعك مدار لا لبيانا ... بلا مواخده .
----------------------------------------------------------





.

غض العين وحط وراك وراس غلاك اللى مايعزك مايسواك
------------------------------------------------------------
دز رساله
ونا نجاوبك عل العقل كيف جراله
بقي من غلاك مريض هذا حاله
اسهي لين نيران الغرام كلنه
................................... ....
رن وجامل
بلاك خاطري ماعاد ساعه حامل
ونا عاذرك كنهو رصيدك كامل
المهم حاول يا سمح طمنا
--------------------------------
وبعدين معاك لا ارتاح عقلي لا اقدر ينساك ويش درتلي .
---------------------------------------------------------
بالك كافي ....؟الياس والرجا وغيبتك وريافي واجد علي قسيت ...
------------------------------------------------------------------
راضي وماني راضي غوالي جفاهم كيف حكم القاضي؟؟؟مجبور نقبلا .
----------------------------------------------------------------------
العقل والنوم والهنا ما مشا عزيز نين شالهن ...
-------------------------------------------------
اتجي مجتمعه اشواقي وغلاي وعبرتي والدمعة وين ماعلي اتهف .
--------------------------------------------------------------------
في غيابك ماهناك غير الدمعه من السبت تذرف لنهار الجمعه
من السبت يبدا شوقي والاحد يبدن في الجفاف عروقي
والاتنين من تحتي النار وفوقي ويوم التلات انذوب كيف الشمعه
ويوم الاربعاء نزعل يضيق خلوقي وعند الخميس تموت كل عروقي
ويكبر اهبال العقل يوم الجمعه
------------------------------
مش بلعاني لكن الله غالب ظروف زماني خلتني عليك انغيب ...
---------------------------------------------------------------
كيف حال البومه الخاطر بلاكم كاترات اهمومه صعيب حالته .
--------------------------------------------------------------
شورك عدا وخلا الجثه فوق صوف مخده سهاني العقل وطار شورك عدا .
--------------------------------------------------------------------------
لو الغلا بالشحته انجي تحت روشنكم ونرقد تحته . شحات للغلا ...
------------------------------------------------------------------
ياعزير اعربلي ان كان الغلا مرفوع ليش الشقا ناصبلي . بالله قولي .
-----------------------------------------------------------------------
شورك رحل عقلي وما شاورني بالله سايره راهو اشتاق اعذرنى .

طفاي النار اوحل فيها .... كب عقاب القاز عليه..,ا


يالعين يابكاية ..ياما زهيتي والعزيز معايا ... واليوم حاقنة ياعين ..,


وين ايغيب عزيز دقايق ...... نحتار و بالي يضايق..,


عيش بروحك لاصوب لاغالي
يزيد جروحك مالك ومال الحب عيش بروحك..,


نا بختي في الناي عطيب......اندير الخير نلاقي العيب..,


انتى ياعينى عطيبت حظ .........اديرى صوب اسبوع وايفظ..,


نحسابك راقد غطيتك .. ميت يا بختي ثـاريـتك..,

اللي بخته ما كي لبخوت .... ايعيش امدقدق نين ايموت..,


يالقديم ايامك عدن/ راك اتمد ايديك يردن..,


عليكم ننشد ليل نهار إللي ديما في عيوني كبار..,


مانى طامع فيه انطقا خلونى بالعين انحقا..,


عالخوان خلاص ايسدك ماتبكى شوهتى خدك..,


ماهي عليك غريبة ...يا قسم لو كان تنوى عزيز تجيبه ...من غير قولتي يا ريت .., "محلاها اهيا"

انكان الغالى فيه نصيب ايجى من غر بكا ونديب..,


وين الزمان يخونك أيطيح بيك ويولي يوقف دونك حتى صحيبك يتركك ويهونك وتبقى بروحك في الهموم أتشيل بالدمع ديما باكيات عيونك تقول اه قداش الزمان رزيل..,

نار غلاك ألي مدسوسة تسطر كيف سطير السوسة..,

انكان قديم ايريد ايفوت أندير جديد أنحبه موت ....


وين قديم علمني داير ......... غالي غيره جاني طاير