غناوات عالقديم

شباب وبنات كل واحد فيكم عنده غناوة عالقديم يشارك بيها .
وأنا اول من يبدأ

نسرق انظري شور قديم .... نلقى انظرة شورى سارقة
كاره مداعى الصوب.... لانريد قديمين لاجدد
كذاب من ايقول الجرح .... بعد قديم داويته ابرى
العقل وين ما نداعوه .... ع غير القدم توجعه
مكبورة الجديد اعلقت .... تقاوت مع نار القدم
اتقول عايبات اعياب .... ويشلن على دار القدم
تفسيره ابقطع اقسام .... منامى اللى جاب القدم
العقل واخذه القديم .... ميراث ما عطاء والى اذرع
ايموت ركن يولع ركن .... اندثمرو فيك يانار القدم
العقل ما عليها زاد .... سهراية القديمين سادا
اتقول سايره هالوقت .... تكميظتى على نار القدم
العقل مالكه القــديـــم .... مكان لجدد مـا عاد عندنا

غاب قديم الدنيا شانت.... ياما تسوى عندي كانت...

وينما يجي ع الهدب .. الهدب يا قديمين تخطروا

إنتي عليك خوذي نوع .. وتخطيرة قدمينك علي

عليك يا قديم أهلبن .. قبالة غباه وين وغبا

شكيت للقدم من النار .. جروني اواجبوني لها

نذاره على النهاي .. ادموع ع القدم ظالماتني

ما با يجي للعقل .. سريباً اينسيني اقدم

العقل مالكه القديم .. ميراث ماعطى والى اقرع

وينك ياضماد اجروحي***راني واكلها في روحي

مايموت نين انموت صطار جرح داره القدم .


_ غلا قديم تكمي فيه ونحلف عليه مازال واجعك .


_ ايقلب في كبدي تقليب قديم وحظي فيه عطيب ..


_قديم ماعليه انموت عندي جديد يسواهم كلهم .


_باذن لله جديدك شاطر يمسح كل جروح الخاطر .


_ امعا الجديد راق العقل ع قديم ماعاد يلتفت .


_دواها جديد اليوم العين في القدم راح سوها .


_ ع قديم ماعدلت عندي جديد يمسح دمعتي .


_انسي لولي وغلاه وابدي مع الجديد يا نار اولعي .


_هدا اهدوك ليش غفيتي ناس اقدم في منامك ريتي .


_جديد يا قديم ادفرك مطارحك نين عججن ..

الماشى انوصوا فية والجاى ننشدوا فية ع القدم

قليل خير يا القديم امرضي طال مابيت نشغلك

فرضت يا قديم خطاك ابروحك بعد واجد غلا

اقدم خلونى يامطراى امعرض للماشى والجاى

على فرضته يا القديم خطاك ونا فيه امضيليم

تباعد يا الجديد بعيد اقدم قدامك وين تريد

ما نروق نين نجيك غالية على يا دار القدم

امعا قديم ريت ايام وجعاتنى اللى ما طولن

جديد ما يداوى جرح راضيهم قديمين خير لك

لوكان ياقديم امعاك انضرت خير مادارت اجدد

يالقديم نويت النسوة................... انشاء الله غير جديدك يسوا


مهماانديروماجديدايفلق****من بعد في قلبي القديم تعلق****مهما انديرو

يالقديم عليش اتعارك درت جديد تعال وبارك

جد جديد العين عليها ما عاد قديم ايبكيها

يا لقديم عليش اترقع درنا صوب جديد امسقع

يالقديم علي مادرنا في عينك مايوم كبرنا

جاب جديد دوا لجروحي كان سبب في ردة روحي

يالقـــــــــــــديم بقلة خيرك ~ لا هنت ولا درنا غيرك
يالقـــــــــــــديم احقوقك جنك ~ وحنا ياما نبو منك
يالقديم اصعب مجلاسك ~ و العين تعانى فى يائسك

كان قديم ايريد ايفوت اندير جديد انحبه موت
ننساهم اقدم من البال حتى وراي ماعاد نلتفت
يالقديم الله لا ايردك ماني ملك لي بوك وجدك

قديم ضاع فيه القسم ~ ارفع ايديك يا ياس ع الجدد

مسكونة بياس قديم~نوطاك خفت يادار نلتمس

العقل واطين عليه ~والعين يا اقدم واقفتلكم

الخاطر يحسابوه سليـــــــــــم ..... وهو مسكون بصوب قديم

في تعفايا قبل طمعنا ... لاكن هف قديم فجعنا

يالقديم اوهامك خلي....بالك بالك يوم اتولي

قديم إمخلفلي وسواس عليه إندور بين الناس

كيف قديمي كيف جديدي.. متفقين علي تشريدي

درنا يالقديم بديلك....ارقد زين وبرد حيلك

انسى صوب قديم وهمه دير جديد احرقله دمه

مع قديم ريت ايام ..اسمااااح غير ياريت طولن

تربح ياقديم وعدى ،،،،،،،،،، مامن اللى راحت من يدى

ياريت من بكيت احذاه............. يشهد امعاي ويقول للقدم
ايجيب من اوصاف قديم ........... لحقت جديد عيني الواهمة
اعياط وصريخ وجري ....... في جرت قديم مابا يلتفت
طروك يا قديم خطرت .........جظيت بك وياما بينا
انكان يا قديم الصوب ............امرايف اريافي يشغلك
انضاري بلا القديم ...........او هن امعاه ياما دودشن
العين ع الاقدم اتحوس ........ جاها جديد مابت تقبله

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

امغير هيت نين انغفي *** وايجي منام ويجيب القدم
سلمت ع الغني فالنوم .... وعيت ليمنه في ليسره
تفسيره ابقطع اقسام *** منامى اللي جاب القدم
فسار المنام ايهاب *** في قولت القدم هالبينك
غفا العقل جاب منام .... اجحده خاف عالعين تنعمى
لوكان غير جيتو حلم ....... موعيت فيه ساعة ياقدم
طيبك منان جيتوا فيه *** ما اوعيت يا اقدم يا ريتني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ