مكتبة الشتاوات....

نرقد بين لناس امطرف خايف باسم الغالي انخرف

نحسابك يا عين سكتي تاريتك لليل اتوتي

مرسالي مرسال عدوك قال الغالي يأخذ سوك

من المرهون بدتلي غصه كيف اللي مات وماوصــى

عقلي وين حكم ياساته يطلب في الموت وما جاته

ع الخوان خلاص ايسدك ما تبكي شوهتي خدك

عندك قلب رافع رايته سكر عا الحب وغياته

طالب من شارون رصاصه في المرهون طرطش راسه

سيلي سيل بلاش العبره مرهـون وجرحـه ما يـبره

خان غلاي وخنت اوعوده وحده في وحده مردوده

أجعنك يا مرهون هتيك تهبط كيف أبراج أمريكا

أبكى يا عيني موش حرام طلع عيل ماصان غرام

انعنك يا خوان ألاقسام مصيرك كيف ضنا صدام

انعنك يا مرهون ادواي كل نهار غسيل كلاوي

نيرانك ياجوف الضامر ........ يرقن كيف لهيب السامر

هذب عيون ظريف الحنة........ كيفالموت انلاجي منا

مانا للمتفرج صورة ....... غير ألياس حكم باموره

حالف مانقدر ننساها......... لئن يجوا علي الخيل ضناها .


عينك عين اللى بجنحته *** رفرف دار عجاجة تحته

انت عينك عين اللى *** نزل شال الصيد بالاثنين

عينك عين اللى بكمبيله *** رفرف وين رماه قتيله

اظهر يابو كم عراضى *** كانك ع الصفاقة راضى

متكزيش اللى قدامك *** جيرانك وولاد عمامك

اللى جبنونة كى القمر *** علينا ياعينى خاطر

حشيشة عندى فيه طلال *** كشكا قاموه العقال


اظهر يابو كم عراضى *** كانك ع الصفاقة راضى


كان غتيتك ماظميتى *** رانك بالعين انظريتى





من غادى للضيم اخلقنا ........لكن فرقاهم ما طقنا
نبى عينى تنسا وتوب........ابصر كيف تها يالى صوب
ديمه ياعين الشرادى........بين النوم اوبين اوسادى
الخاطر من لولاف اعدم........كووه بنار حطبها سم





ا مرهون اقتل واشونك حكم اعدام انشيله دونك

يا مرهون ابرم ساولني .. يا نبرابك يا تقتلني

انسدت نيتي وانا نتغدا .... وين جوني قالولي عدا

يا جياب نبا فرقاهم .....يا ريتك عديت معاهم

ياما درنا يوم رحيله .. حتى الدمع تقاوى سيله


لو ينفع يا عين ابكنا .. راهي ما نصبت جبنا
كانون المرهون احذاية .. وقتا تلزمني تدفاية
يا درنه حالى كي حالك .. دمعي يذرف كي شلالك




يا مرهون ابرم ساولني .. يا نبرابك يا تقتلني
بالك يا مرهون ظليمة .. واخذ قرعة نومي ديما
يا مرهون بلا ظليمة .. تبينا نبكولك ديما


المرهون اندير الدوشة .. نسكن حوش مقابل حوشه
المرهون ادير الغارة .. وانكره من بين صغاره
المرهون نديروا طلة .. نسقط فى حوشه بمظلة


غالي نا مغلوب رحيلا .. خوذي رايي ما تمشيلا
لولاف انكان اتريديهم .. امفيت نموت الا تصليهم
ياما صارلها في دارك .. يلا حيط مكابر نارك
ش: جيك للوهام مضرة .. نا وقضتك وانتي حرة




مشيتن واجد يا كرعيّ .. ما درتن صيور علىّّّّ
عندي العقل تقول دجاجة ما فقص للخاطر حاجة

مازال عياط ورانا من غير الغالي خلانا

عزيز نسيني دار عويل .. يقمط ويدودش ويشيل

بدينا قلن بسم الله .. بجاه العرس اللي جيناه

إن لقى في النار ملاقاة .. مغير ينجي في الله

1) يا عينـي شقـي كانونـه صـوب جديـد مقابـل عونـه


2) كان امعاك غلانـا صافـى راك امرايـف كيـف اريافـى


3) يالعزيـز اقسيـت عليهـا قاعـد يالاهـا ومـا تجيـهـا


4) عينـى للدمعـة مخلـوقـة كـل امـرار جديـد اتـدوقـا


5) يا غالى وبيـش ايرضيـك ادموعـى منعميـات علـيـك


6) من الياسات خذينـا خبـرة نخلط فـي الضحكـة بالعبـرة


7) مالى فزعة غير ادموعـى كـل عشيـة ناصـب نوحـي


8) سدك واجـد وانـت تكبـى على المرهون ارياطـك فكـى


9) كان بكـت عينـى خلوهـا تبكـى عاللـى مـا يبـوهـا


10) ليش تراخيتـى عالغالـى ليـن اخـدوه اقـلال الوالـى

اندودش في اريافي ادوديش..... علي ملقاكم بيش انعيش

مقيولة ويقولوا فيها..............كيد النار على واطيها


عالخاطر بالحيل اغليتو ............ نين دوا للعين بقيتو


مرايف والعزة تمنعني,,,,,,,,,,,ننشد وانت اللي بايعني

يا خالق للروح نفسة,,,,,,,,,,,,ما تغيب عالعين ونسة

ودك غير عزيز ادسة,,,,,,,,,,,,بين الروح وبين نفسة

كان جفو ما نجداهم,,,,,,,,,,,,,,وان جوني يلقوه غلاهم

مرهون وقبل مسلينا,,,,,,,,,,,,,,,جد عليه وليد نسينا

درنا صوب اقصير عمره ,,,,,,,,,,,, لكن مابا يطفا جمره

درت غلا في عز شبابي................ناره مازالت فاجنابي

درت غلا لكن ما طول,,,,,,,,,,,,,,,,,,,,,,,,,عدا كى تعدايت الاول

درت غلا في عز دلالة,,,,,,,,,,,,,,,,,,,,,,,,,,,لطوه وعدة في حالة

امفيت قديم احنا من لنا .........................وين نغيبوا ينشد عنا

ان طلتى طال معاك الشوق ........دروجك نرقاهن لا فوق

نبكي من جمعه للجمعه.....كان عزيز اتجيبه دمعه
.
نار يا مرهون كلتنا ...............نا والطفّاي وحومتنا

عيونى فاضن وقت منامى.......... كى فيضانات تسونامى

ذابل عقلى يرجى فيكم.................... نين تجوا بيش ايشاكيكم

بعد هل الرجا فى رجاء اه من الرجا

الايام ياعزيز اضحكن .................. لوكان راجيت خيرلك

جيتا نشكيله بجروحى..................... قالى غيرانداوى روحى

ناس اعزاز خطر مقعدهم .......................هد اهدود اللى بعهدهم

عزيز يحطب له يومين __________ يريد يشفشفنا يا عين