الرئيسية
دخول للدردشة
الشاعر: مفتاح الفاخري
: السـيـرة الشخصية
هو مفتاح خليفة محمد, من عائلة بوعوصة قبيلة الفواخر. مشهور باسم: مفتاح الزيت. وُلـِــد باجدابيا عام 1952م
وتلقى تعليمه بها , التحق بديوان المحافظة كموظف في عام 1973 م. كانت بدايته الشعرية في مطلع السبعينات من القرن الماضي ,وتوقف لبضع سنوات , ليواصل منذ عام 1978م نظم الشعر بشكل متواصل
من أوائل المؤسسين لنادي شعراء اجدابيا في الثمانينات, حيث تقلد منصب ( الأمين المساعد) لفترة من الزمن, وتولى نفس المنصب بنادي شعراء مرادة في نهاية الثمانينيات. قال في معظم أغراض الشعر,غير أن اللون ( العاطفي) هو الغالب على أشعاره
تأثر بعدد من الشعراء الذين سبقوه أو المعاصرين له ومنهم : أحمد ارميلة ,علي الساعدي وعبدالله عدوان الفاخري
له تسجيلات إذاعية وتلفزيونية عديدة. له بعض القصائد الغير مكتملة من مثل قصيدة: اهناك ناس لا تـندى ولا اتّـنـدّى- التي بلغ صداها الديار المصرية,فأنشأ بعضهم قصائد على غرارها كالشاعر: عبدالنبي بوصمصوم العوامي
وللشاعر مفتاح الفاخري, باع طويل في مجال صوب خليل, والشعر الفكاهي . اخترنا لكم من شعره , القصائد التالية
--------------------------------------------------------------------------------
القصيدة الأولى
ايبان رديمه ولاانسيت لا ننسى غلاء القديمه نين البحر ينزح
نين ينزح جمّه............................ونين الجنين ايشيب في بطن امه
ولا عزيز عندي له تواطت همه.........عقلي علي غيره اصعب ترويمه
ومازال بخطوره غزير الجمه............ايحوس خاطري وايزيد في تخميمه
ومازال ضيم غلاه راقي سمّه............اتعيشبه انما ماتت الروح عديمه
بريان ع العدم جرحه ونازف دمّه.......عيون من ضرب صيده بعد تحويمه
بخطوره علي غفلات ليّا تما..............سفله امعاه اتسيرلي تدويمه
نين يفنى حـــــــــوته......................ونين م القبور اتجي الناس الموتى
ونا خاطري داير غلاهم قوته.............ايهاتيبهم لولاف ديما ديما
حتى وفالغوالي عاكسات ابخوته.........مازل يذكر اوعود قديمه
معا بو احداجه لا ورا مسلوته........... تخطر عليه ان جال لمواهيمه
واتجي م المواقي دمعته مفلوته......يضايق سماه العقل يقط غيمه
وياخذ الليل نحيب شايل صوته...........علي صوب عالو ناس في تهديمه
مجبور جبر سلّم فالعزيزايفوته...........بلا غير رده خاطري لخصيمه
واحذاء خاطري شاوط الياس ابيوته....اعزاز صوبهم سافي عليه رديمه
وهو قبل زاهي منخضر منبوته............صاف (...) تما امغير هشيمه
نين شـــــــــــرابه...........................ينزح ايتوق القز هو واترابه
ولا نسيت لا ننسى نظيف اكعابه..........ولاعزيز عندي له تواطت قيمه
فوق من حجاج العين شايل قابه..........بودور ع العاتق ايميح وليمه
حتى بطول ياساته وطول اغيابه.........مازل دايرفي الكنين جحيمه
ومازلت كل اوقت نسّهرابه..............ومزلت عندي في سريبه هيمه
ومازال لا توّا صنى منشابه............. اتقول امس لافيلي انجض ابضيمه
وما زال ساحبني امعا سيسابه.........وما القيت لفراق العزيز عزيمه
انظاري بعد فرقى عزيز غلابه......... امطوبسات لا ضحكه ولا تبسيمه
ومالهن افزاع امفيت قولت هابا ...... مع دمع سايل كادهن تلزيمه
عاللي قبل كانن عايشات طرابه ....... معاه غير صارت فالغلا تبريمه
--------------------------------------------------------------------------------
القصيدة الثانية
ماحن الليل انجومه .......ولا النوم لنظاري برم في حومة امغير يذرفن
ما النوم لفاهن .........................يـشـّـالن كبايا فاقدات امناهن
لهن زمان لا جنا ولا هو جاهن ....الغالي اصعب تمت عليه خصومة
زادهن نكد فرقاه غاب زهاهن .....حكمهن الياس وصـدّره مرسومـه
ابقولت انسن مول القرون سفاهن ...عـدّنها بسافي غيته مردومة
ما دقيقة غـــفـّــــــــن ...................لا الليل باتن لا الدمعة كـفـّن
فراقه الغالي مــر وامصيفهن .........رويـن على عطشة بكاس اسمومه
اللي قبل لوطالن وصار هدفهن .......مافارقن لبـّـاس عالي سومه
ولكن الله غالب الـقـلّ كسفهن..........لنظار غصب عنهن حاملات اهمومه
علي ما اجـّـارن عون ما صادفهن ....في بوحداجة لاورا مبرومة
وشاطن نوارينه وما يطفـّـن ...........وكل يوم تـصـّـبح اخرى ملحومة
ما يكفّن ساعة ............................يـشـّالن على فرقا جميل اطباعه
نين بان ضي الفجر دار شعاعه........لبكاهن بكا بكّن شديد اعزومه
عزيز جوهن حـوّس نهار وداعه... غلاه ايسن لبسن الحزن اهدومه
افراقه عليهن جبر مو بالطاعة .......لنظار بختهن بالهون طايل نومه
امفيت ما لدمعة مالهن فـزاعة ......والصاحب قليل اللي ايعد اللومة
طال سهرهن ................................فراقه الغالي كاينه قاهرهن
تغـيّـض ارقي جـمـّـه وفاض بحرهن .....وادّاير سماهن جا هطيل اغيومه
عاللي مشا بحـر اليدين سعـًرهِن .........عليه يذرفن مالي عليهن لومة
يخطر اوقات النوم وايسمّرهن ............وايشيلن عليه الصوت في ملزومة
وايقولن عزيز وهو عزيز هجرهن........تكاصن بعد رقين معا سـلـّومه
ذارفة دمعتهن ................................وانا عليهن ما انلوم تعتهن
شقاهن مشا في الهود في غيتهن .......غلاهن على سطاش عدى حومة
انظاري ابطق العود جت قرعتهن .......ياس وجظار عليك بخت وشومة
مكتوب ربنا رايد بها نكستن ..............شرهن ابغية عالخيـا مرسومة
....ماحن اللــيـل انجـــومـــه
--------------------------------------------------------------------------------
القصيدة الثالثة
يا ام العيون رغيبه ...............اتقول بينا شلواش دار كتيبة ..غلاي ناسية
يا ام الهدوب عشاش ...............للياس الغلا بعتيه بيع بلاش
اتقول غير كاتب بيننا شلواش ....كلتنا علي لاخر اكثر تكريبه
ولا اتقول في مرة نظرنا طاش .....شورك ولاانتي صوبنا اشقيتيبه
ولا اتقول لميتي لها قشواش .......نار الغلا لا اتقول شاكيتيبه
ولا اتقول قلتيلي غلاك احواش ....عندي وما نطرب امفيت انجيبه
واليوم الغلا عدى علي سطاش ....وانتي هي السبب يابنت في تخريبه
يام الغثيث امعـرّم .......................يميح عاليمين وع اليسار اصـرّم
اخطورك علي غفلات نومي حـرّم ...انوض بالغطا تقشيع وانشاليبه
وحتى وانت ياغالي اليوم امبرم.......وديوان غيري ساحبك شاقيبه
مازلت عن غيرك اتقول امصرّم ......سريب مو سريب غلاك ما ندويبه
يا ام العيون اتعوق.......................ويم الشفاه امعورجة بدقوق
ويم الجبين اتقول ظي ابروق..........ويم الغثيث اطوال ماح صليبه
للياس الغلا بعتيه بيع اطلوق..........بحكم الشريعة راك تجّازيبه
عليك خاطري مازال ناصب سوق...حتى بطول ياساتك وموح وغيبة
ومازال شورك فالرحيل ايسوق......ومازال لا توا غلاك طليبه
كبير فاهقك بخلال مو مطقوق ......وجرحك تـهـلّـع كادني تطبيبه
ولو انطالبك عندي عليك احقوق ...سوا بشرع ياريدي سوا بدريبة
....يم العيون رغـيـبــة
--------------------------------------------------------------------------------
القصيدة الرابعة
يالعين غير ابروع ....تسكيبك عليهم والرجا مقطوع لولاف القدم
يالعين غير اتعاب ...................تسكيبك لدمعك والعزاز اصعاب
رجيت رجا واجد وظنك خاب ....بختك املاطش في الغلا طبوع
امقدر جرا ولكل شي اسباب ....مالساعة اخطيتي والخطا مرجوع
همتي معا مدعى نظيف الناب ....وكل يوم شوره ناصبتلي نوع
ابغيرك اشقي فاتح امعاه ابواب.....ما اتقول كان ابغيتك ملذوع
ردود الكفا كيفه تغلقي لبواب .....كبيرة شقاك بصوب فيه اخدوع
يالعين دمعك كفي .....................كيف ما انسيه غلاك ناره طفي
ولا مواخذة ماعد عزيزك شفتي ...شاقي بغيرك وصوقر المطلوع
خلاك عالبهرة قاعدة تـدّفي..........مدعاك رافضه م البال مو مسموع
وانتي في بناديرك عليش اتزفي ...عدّيــه لاحفرتي لا نتق جربوع
وديري احساباتك معاه وصـفـّـي ...خلك شديدة عزم عندك روع
يالعين ليش اسمورك .................وديما اتشالي نايظات ابحورك
عليش لاقطة شكبان ماهو شورك ...منه اشوي نومك ابقي مفروع
ظليتي وصارعتي اللي موطورك ...امغير قسم سببلك عدم واظلوع
من ساعة البادي حاتمة مخسورك ....وديما اللي ماله جهد مرقوع
لا تاخذي في راي لا مدمورك ........لك جابلك في يوم راي قنوع
وواجد بذرتي ما نتج مبذورك .....دفين صيف مو خاطر عليه اطلوع
يالعين غير ظلال.....................تسكيبك علي مول الغثيث اطوال
ضاع التعب ماعاد فيه آمال .......ولو عاد ناشدلك علي ميضوع
هيـّـالك معاه اتحولي الغلال .......يدّاون اجروحه دايرات اهلوع
يقسملك اللي رادع اشواط انفال .... بو دور لا نقّـض حدر مردوع
يالعين كفاية ........................ماعد اتجيبيلي لهن سهراية
ولاعاد تطريهم اليوم غنايا.......عليك لغوالي جبدهم ممنوع
كتب افراقهم مولاي مو بالغاية....سوا ابغصب تنسيهم سوا بالطوع
لله اصبري ياعين يابكاية..........ماعمر جابن غايبين ادموع
....يالعين غير ابروع
: السـيـرة الشخصية
هو مفتاح خليفة محمد, من عائلة بوعوصة قبيلة الفواخر. مشهور باسم: مفتاح الزيت. وُلـِــد باجدابيا عام 1952م
وتلقى تعليمه بها , التحق بديوان المحافظة كموظف في عام 1973 م. كانت بدايته الشعرية في مطلع السبعينات من القرن الماضي ,وتوقف لبضع سنوات , ليواصل منذ عام 1978م نظم الشعر بشكل متواصل
من أوائل المؤسسين لنادي شعراء اجدابيا في الثمانينات, حيث تقلد منصب ( الأمين المساعد) لفترة من الزمن, وتولى نفس المنصب بنادي شعراء مرادة في نهاية الثمانينيات. قال في معظم أغراض الشعر,غير أن اللون ( العاطفي) هو الغالب على أشعاره
تأثر بعدد من الشعراء الذين سبقوه أو المعاصرين له ومنهم : أحمد ارميلة ,علي الساعدي وعبدالله عدوان الفاخري
له تسجيلات إذاعية وتلفزيونية عديدة. له بعض القصائد الغير مكتملة من مثل قصيدة: اهناك ناس لا تـندى ولا اتّـنـدّى- التي بلغ صداها الديار المصرية,فأنشأ بعضهم قصائد على غرارها كالشاعر: عبدالنبي بوصمصوم العوامي
وللشاعر مفتاح الفاخري, باع طويل في مجال صوب خليل, والشعر الفكاهي . اخترنا لكم من شعره , القصائد التالية
--------------------------------------------------------------------------------
القصيدة الأولى
ايبان رديمه ولاانسيت لا ننسى غلاء القديمه نين البحر ينزح
نين ينزح جمّه............................ونين الجنين ايشيب في بطن امه
ولا عزيز عندي له تواطت همه.........عقلي علي غيره اصعب ترويمه
ومازال بخطوره غزير الجمه............ايحوس خاطري وايزيد في تخميمه
ومازال ضيم غلاه راقي سمّه............اتعيشبه انما ماتت الروح عديمه
بريان ع العدم جرحه ونازف دمّه.......عيون من ضرب صيده بعد تحويمه
بخطوره علي غفلات ليّا تما..............سفله امعاه اتسيرلي تدويمه
نين يفنى حـــــــــوته......................ونين م القبور اتجي الناس الموتى
ونا خاطري داير غلاهم قوته.............ايهاتيبهم لولاف ديما ديما
حتى وفالغوالي عاكسات ابخوته.........مازل يذكر اوعود قديمه
معا بو احداجه لا ورا مسلوته........... تخطر عليه ان جال لمواهيمه
واتجي م المواقي دمعته مفلوته......يضايق سماه العقل يقط غيمه
وياخذ الليل نحيب شايل صوته...........علي صوب عالو ناس في تهديمه
مجبور جبر سلّم فالعزيزايفوته...........بلا غير رده خاطري لخصيمه
واحذاء خاطري شاوط الياس ابيوته....اعزاز صوبهم سافي عليه رديمه
وهو قبل زاهي منخضر منبوته............صاف (...) تما امغير هشيمه
نين شـــــــــــرابه...........................ينزح ايتوق القز هو واترابه
ولا نسيت لا ننسى نظيف اكعابه..........ولاعزيز عندي له تواطت قيمه
فوق من حجاج العين شايل قابه..........بودور ع العاتق ايميح وليمه
حتى بطول ياساته وطول اغيابه.........مازل دايرفي الكنين جحيمه
ومازلت كل اوقت نسّهرابه..............ومزلت عندي في سريبه هيمه
ومازال لا توّا صنى منشابه............. اتقول امس لافيلي انجض ابضيمه
وما زال ساحبني امعا سيسابه.........وما القيت لفراق العزيز عزيمه
انظاري بعد فرقى عزيز غلابه......... امطوبسات لا ضحكه ولا تبسيمه
ومالهن افزاع امفيت قولت هابا ...... مع دمع سايل كادهن تلزيمه
عاللي قبل كانن عايشات طرابه ....... معاه غير صارت فالغلا تبريمه
--------------------------------------------------------------------------------
القصيدة الثانية
ماحن الليل انجومه .......ولا النوم لنظاري برم في حومة امغير يذرفن
ما النوم لفاهن .........................يـشـّـالن كبايا فاقدات امناهن
لهن زمان لا جنا ولا هو جاهن ....الغالي اصعب تمت عليه خصومة
زادهن نكد فرقاه غاب زهاهن .....حكمهن الياس وصـدّره مرسومـه
ابقولت انسن مول القرون سفاهن ...عـدّنها بسافي غيته مردومة
ما دقيقة غـــفـّــــــــن ...................لا الليل باتن لا الدمعة كـفـّن
فراقه الغالي مــر وامصيفهن .........رويـن على عطشة بكاس اسمومه
اللي قبل لوطالن وصار هدفهن .......مافارقن لبـّـاس عالي سومه
ولكن الله غالب الـقـلّ كسفهن..........لنظار غصب عنهن حاملات اهمومه
علي ما اجـّـارن عون ما صادفهن ....في بوحداجة لاورا مبرومة
وشاطن نوارينه وما يطفـّـن ...........وكل يوم تـصـّـبح اخرى ملحومة
ما يكفّن ساعة ............................يـشـّالن على فرقا جميل اطباعه
نين بان ضي الفجر دار شعاعه........لبكاهن بكا بكّن شديد اعزومه
عزيز جوهن حـوّس نهار وداعه... غلاه ايسن لبسن الحزن اهدومه
افراقه عليهن جبر مو بالطاعة .......لنظار بختهن بالهون طايل نومه
امفيت ما لدمعة مالهن فـزاعة ......والصاحب قليل اللي ايعد اللومة
طال سهرهن ................................فراقه الغالي كاينه قاهرهن
تغـيّـض ارقي جـمـّـه وفاض بحرهن .....وادّاير سماهن جا هطيل اغيومه
عاللي مشا بحـر اليدين سعـًرهِن .........عليه يذرفن مالي عليهن لومة
يخطر اوقات النوم وايسمّرهن ............وايشيلن عليه الصوت في ملزومة
وايقولن عزيز وهو عزيز هجرهن........تكاصن بعد رقين معا سـلـّومه
ذارفة دمعتهن ................................وانا عليهن ما انلوم تعتهن
شقاهن مشا في الهود في غيتهن .......غلاهن على سطاش عدى حومة
انظاري ابطق العود جت قرعتهن .......ياس وجظار عليك بخت وشومة
مكتوب ربنا رايد بها نكستن ..............شرهن ابغية عالخيـا مرسومة
....ماحن اللــيـل انجـــومـــه
--------------------------------------------------------------------------------
القصيدة الثالثة
يا ام العيون رغيبه ...............اتقول بينا شلواش دار كتيبة ..غلاي ناسية
يا ام الهدوب عشاش ...............للياس الغلا بعتيه بيع بلاش
اتقول غير كاتب بيننا شلواش ....كلتنا علي لاخر اكثر تكريبه
ولا اتقول في مرة نظرنا طاش .....شورك ولاانتي صوبنا اشقيتيبه
ولا اتقول لميتي لها قشواش .......نار الغلا لا اتقول شاكيتيبه
ولا اتقول قلتيلي غلاك احواش ....عندي وما نطرب امفيت انجيبه
واليوم الغلا عدى علي سطاش ....وانتي هي السبب يابنت في تخريبه
يام الغثيث امعـرّم .......................يميح عاليمين وع اليسار اصـرّم
اخطورك علي غفلات نومي حـرّم ...انوض بالغطا تقشيع وانشاليبه
وحتى وانت ياغالي اليوم امبرم.......وديوان غيري ساحبك شاقيبه
مازلت عن غيرك اتقول امصرّم ......سريب مو سريب غلاك ما ندويبه
يا ام العيون اتعوق.......................ويم الشفاه امعورجة بدقوق
ويم الجبين اتقول ظي ابروق..........ويم الغثيث اطوال ماح صليبه
للياس الغلا بعتيه بيع اطلوق..........بحكم الشريعة راك تجّازيبه
عليك خاطري مازال ناصب سوق...حتى بطول ياساتك وموح وغيبة
ومازال شورك فالرحيل ايسوق......ومازال لا توا غلاك طليبه
كبير فاهقك بخلال مو مطقوق ......وجرحك تـهـلّـع كادني تطبيبه
ولو انطالبك عندي عليك احقوق ...سوا بشرع ياريدي سوا بدريبة
....يم العيون رغـيـبــة
--------------------------------------------------------------------------------
القصيدة الرابعة
يالعين غير ابروع ....تسكيبك عليهم والرجا مقطوع لولاف القدم
يالعين غير اتعاب ...................تسكيبك لدمعك والعزاز اصعاب
رجيت رجا واجد وظنك خاب ....بختك املاطش في الغلا طبوع
امقدر جرا ولكل شي اسباب ....مالساعة اخطيتي والخطا مرجوع
همتي معا مدعى نظيف الناب ....وكل يوم شوره ناصبتلي نوع
ابغيرك اشقي فاتح امعاه ابواب.....ما اتقول كان ابغيتك ملذوع
ردود الكفا كيفه تغلقي لبواب .....كبيرة شقاك بصوب فيه اخدوع
يالعين دمعك كفي .....................كيف ما انسيه غلاك ناره طفي
ولا مواخذة ماعد عزيزك شفتي ...شاقي بغيرك وصوقر المطلوع
خلاك عالبهرة قاعدة تـدّفي..........مدعاك رافضه م البال مو مسموع
وانتي في بناديرك عليش اتزفي ...عدّيــه لاحفرتي لا نتق جربوع
وديري احساباتك معاه وصـفـّـي ...خلك شديدة عزم عندك روع
يالعين ليش اسمورك .................وديما اتشالي نايظات ابحورك
عليش لاقطة شكبان ماهو شورك ...منه اشوي نومك ابقي مفروع
ظليتي وصارعتي اللي موطورك ...امغير قسم سببلك عدم واظلوع
من ساعة البادي حاتمة مخسورك ....وديما اللي ماله جهد مرقوع
لا تاخذي في راي لا مدمورك ........لك جابلك في يوم راي قنوع
وواجد بذرتي ما نتج مبذورك .....دفين صيف مو خاطر عليه اطلوع
يالعين غير ظلال.....................تسكيبك علي مول الغثيث اطوال
ضاع التعب ماعاد فيه آمال .......ولو عاد ناشدلك علي ميضوع
هيـّـالك معاه اتحولي الغلال .......يدّاون اجروحه دايرات اهلوع
يقسملك اللي رادع اشواط انفال .... بو دور لا نقّـض حدر مردوع
يالعين كفاية ........................ماعد اتجيبيلي لهن سهراية
ولاعاد تطريهم اليوم غنايا.......عليك لغوالي جبدهم ممنوع
كتب افراقهم مولاي مو بالغاية....سوا ابغصب تنسيهم سوا بالطوع
لله اصبري ياعين يابكاية..........ماعمر جابن غايبين ادموع
....يالعين غير ابروع
» نتائج التعليم الثانوي في ليبيا2014
» برجك في شتاوة
» صفحتنا على الفيس بوكــ
» نساء مطرودات من رحمة الله
» مقارنة
» * القشـــــطة * فاكهة سحريـــــة
» مخاطر الضرب على الوجه
» للعبرة ... اياك ان تعتقد انك الوحيد على الحق فى هذه الد
» التحذير من تناول اجنحة ورقاب الدجاج
» البرزخ مشاهد مذهلة لضاهرة إلتقاء الأنهار فيديو+صور
» غناوي وشتاوات في غاية الروعه
» الغناوة الجزء الثاني بقلم: أحمد الحوتي
» العلم ,, بقلم أحمد الحوتي
» أفضل 10 أطعمة تحتوي على نسبة عالية من الحديد فقر الدم
» 10 فوائد تجعلك تشرب القهوة بكل حب
» أفضل 10 أطعمة لنمو العضلات
» هوانغلو"القرية صاحبة السكان الأطول شعر في العالم بالصور
» هل تعاني من اصفرار فى لون أسنانك؟
» كيف تتخلص من كرشك ؟!