غناوي وشتاوات 2

قديم هو رفيق العمـــــر..... يقصر ايطول ما يوم ينتسى.
- لانوم ولا هنـــا ولا عــزم .... امعاه عزيـــز غايبات كلهـــن .
- حنـــــــون ودار كبـــــــــد .... علي عــزيز وايش ايفضهــــا.
سمـــــوني قليـــــل خيـــر .... كــان ياغــوالي انسيتكـــــم.
- العقل صاحبة في كيــــد ....ياأعـــوينه اللــي مايكسبــة.
- لو طالك اشبوب القسم....... بالليد ياغــــلا باذرينــــــــك.
- نرجاك بين ما نرجـــــــاك ....... كليت ثلثين عمري امخايره.
- والاني حديث ابكـــــــاك .......انسيت ننشدك ليش باكيه.
- قسمت ناوعــزيز الياس..... .متراضيين ماوالــــي اقمــــح.
- عابر سبيل يوم خطــــاه ....... أشفق عليك ياعين م البكــا.
- جفاني عزيز وجـــــــاب ....... لروحـــه جفـــا يانويــرتـــي.
- ملك عــزيز غوط العقــل ....... مغير مـــازرع فيــه طيبــــــه.
- تــريـــــد ياغنــي تربيــه ....... العزم دايره غير بالوشـــق .
- عزيز قبـــــل ناره كــــوم ...... حساد لاطشوهـــــا بجـدت.
- العقـــل وين مانــــــدراه ...... علي غير لـــــولاف توجعـــه .
- خذوك ياعــــزيز الغيـــــر ...... ونا خذيت تطويلــــة رجــــــا.
- أيجوا حلم وامهاياه ............... أعزاز عمر ما غابوا علي.
- نخاف يا عزيز عليك ............... ندير كبد تلوي ايدي بها.
- كنيب في المنام أيجي ......... كري اغطاك ياعين وارقدي.
- حسوفة اتشق القبر ........... أعزاز كان مني باعدوا.
- حسايف اقبال العين ............ ملقى عزيز في ايدين غيرنا.

العقل يا بعاد الدار يمسي معاي ويبات عندكـم

طارح فراش اليأس العقل نام نومه ريحـــــه

اللي غلاه بالترويم أنساه يا دليلي وأتركــه

ع القديم سفيت رديم ومع جديد نيراني والعة

الشيب في وجوه الناس والكبر مو عيب ياعلم

لها رزق عند الله العين يا علم ما ينقطـــــــــــع

حتى إن ماقسم صوبك مازلت ياعزيز غالى على

اعيونك الهن كلمات عرف العقل مابيهن دبل

رهينــة أصحاب الصوب حتى إن غابوا واخدينها

الصبر ما قضى حاجات وعدن أيامه فى رجــا

تاريته الربيع أهناك والعين فى الجذب حاجرينهــا

ياريـــت الغلا ما صار تباعد وجاء كيـدة علـى

حتى الليل عندى صبح مع عزيزعينى ساهـرة

دموعى على لولاف نزيل غيم ريحة خامــــــدة

راقـــــــــد وجاكـ النوم كذاب مو غلانا جــارحكـ

غريق يابحر لولاف قليــل وين عوامكـ يجى

بعد زمان زاهى فيكـ تميتــى خلاء يادارهـم

حشـومــى وغــاوى فيكـ العقل لاشكـى لاقالكـ

قايله مع عقــــــال **** العين حالفه ما تهونهم
فى زمان قل القدر **** لقى العقل لتراك خير له
فرقاهم مغير أقسام **** لا جفيت لا هانوا على
عرب عزاز كانوا قبل *** الياس حال بينى وبينهم
نرجا فيك يافـــــزاع **** تاريتك اتراجى فى الفزع
تميت م الغنى للوقت *** غربال فيد حره راغبه
يدوى العقل يالوهام **** لو ما نصبن نوع هلبتكن

وهذه بعض الغناوي وانشاء الله تعجبكم .

- أجروح ياعـــزيز غـــــلاك ............ اكبار ما امداوي ايجيبهن.
- النـــــاس يحسبوك ربيع ............ وانت عذاب يانار الغــــــلا.
- العين غارقة في الياس ............ وتقـــول يا نصيب جيبهـــم.
- شفقت يامداوي الجرح ............ اسمــلة علــي نا شايلـــه.
- بشويش جيبهم ياقسم ............ أعزاز نين في ايدي اتحطهم.
- عــلي رجــاك نين نمـوت............ لنظار ياعلـــم بــات رايهــن .
- مريــض والكفــــن يـالاه............ يبرا كـــان لــولاف سـاولوا
. - الاقسام هن صاحبات الراي ...... إن رادن عزيز ايلايمن.
- ملكت فيه ياالجديد .......... واللي قديم بليله رحل
- عليك ميعدوا حساد ......... ضروك في غلا كان نافعك.
- غلا عزيز ما لحساد ......... كمل مهامته غير بالنضر.
- العقل مو ربيع ايصيف ..... ان غابوا يلاقي غيرهم .
- انخاف ياأوهام عزيز ....... ان جيتكن لعيون ينعمن.
- بعد ظلام درتي نور ....... لفا عزيز ياعين يانسك.-

ماهن أخساره فيك ............... لاقدار ياعزيز اتقيمهن.
- الخاطر أن غبت عليه ..............لاصبر لانوم جايه.
- اللي سليم جاه النوم ............ واللي جريح ماليله رقد
- علي من انريد انجول ............ بعد عزيز ياطول عازتي.
- حتى لو بكن ماهي عيب ........ علي عزيز وان الجضر .
- عليه أبشري ياعين ........... عزيز كان مرهون وفضا.
- مازال واجعك ياعين ........... خطاهم اللي ماله سبب.
أ - العين في العذاب اتحمل ...... ترجاهم رجا نين يقسموا
ب - بلاه ما يصير الصوب ...... القدر هو مباديه يا علم
ت - ترجاك والرجا ف الله ..... العين يا علم مي ميسه
ث - ثلاث هن دواء المريض .... ان جن ايموت وان غابن ابري
ج - جبد سريب جابك فيه .... بكا العقل ما حوته سكت
ح - حسيبك الله ياعين ...... بلاهم ان جا نومك هني
خ - خاطر عليك عزيز ...... اليو وامس ياعين والدك
ذ - ذنوب ياعزيز عليك ...... سماره وانت في نومك هني
ر - رماهن صغا ليام ..... على عويل موقيسا لهن
ز - زعمه ياعزيز تسال ..... والا شغلك ديوان غيرنا
س - سمرن نين طاح النجم ..... حتمن ياس غاليهن غفن
ش - شكاع بارقه ما بات ....... غلا جديد لافي خاطري
ص - صبرت يا عزيز سنين ..... اللي قبل يوم يكيدهن
ض - ضليلة ورا مرهون ...... العين ما البكا نين انعمت
ط -طارح فراش الياس ..... العقل نام نومه ريحه
ظ - ظليمه عليه الصبر .... جرحه جديد مازال خاطري
ع - عليهم لها مدات ...... عزاز قابلوا عيني بكت
غ - غني ونا معتاز ...... العقل قال مالي ومالهم
ف - في زمان قل القدر ..... لقى العقل لتراك خيرله
ق - قديم جرحهم لولاف ........ حقا وهم غنايا ما بري
ك - كبيرة عليه العقل ..... تجفاه دار ويعاود لها
ل - لوكان ما خلق مولاي ..... مغير انت ونا والغلا
م - ما تقول فيهن زول ...... بعد عزيز لوطان سوتهن
ن - ننهاها تزيد ظلال ..... العين ع الغني مي تايبه
هـ - هداهن الله ع الخير ..... لنظار كان تابن ع الغني
و - وريني بعد لولاف ..... انت زهاك ياعين ايسمه
ي - يطافر نهدّي فيه ..... العقل واجعه موح دارهم
لا - لا سفيه لا جوال .... مغير لازمه صوب العلم

لوكان البكـــا جيــــــاب ... ره عزيز يا عيــــــن جايلك

***
الانضار ما عليهـــن لوم ... اقلا عزم يا بال رايفـــــــن

***
لوكان ما اخلق شى دمع ... بعد عزيز راكى ايش دايره

***
تنقيط ما ابكا مليــــــوع ... اقطع ابكاك يا عين اسكتى

***
حتى لو بكيت انريــــض ... انت ايش يالك مالغنـــــى

***
بكيت يا قديم عليــــــك ... بكيت اسنين لا يوم اولا شهر

***
بكيت يا عزيز عليــــــك ... رقيت عزم قسمى قيسنى

***
اللى دللوك ايــــــــــام ... عليهم ابكى نيـــن تنعمى

***
الناهى انهل امعـــــى ... القى وجيعتى مى ساهله

***
الخاطم ابكاك اشغلـه ... انهال ما رجا نين ينشــدك

***
ابكاك فى الخلا و الدوج ... تهوين مايبريلك وجــــــع

***
نطريلك اللى غيـــــاب ... وانتى عليك يا عين البكــــا

***
ما اسمعك لا امخلوق ... حيلاً ابكاك يا عين فالخلا

***
انكانك اتريدى لجــــــر ... قولى قديم و ابكيلى اشوى

***
امعى يا ارقاق العـــزم ... يقسم قديم قولن يالله

***
انظر العين ترجا فيش .... تعاقب الليل او ما بكت

***
الدار او عزيــــــــز او نا ... اجرك عظيم يا باكيلهن

***
اللى افزعه غير ادموع ... مالفايظ انجينى انسلفه